الیکشن کمیشن نے اس کے خلاف شکایات کی تحقیقات سی بی ڈی ٹی (سینٹرل بورڈ آف ڈائریکٹ ٹیکسیشن) کو پیش کردی ہیں۔ مہاراشٹر کی حکمران جماعت شیوسینا اور اس کی حلیف جماعت این سی پی کے ان رہنماؤں کے انتخابی حلف ناموں میں تضاد ہونے کے الزامات ہیں۔ ان تینوں رہنماؤں کو اپنے اثاثوں اور ذمہ داریوں کے بارے میں غلط یا نامکمل معلومات دینے کی وجہ سے جانچ پڑتال کا سامنا کرنا پڑ سکتا ہے۔
ذرائع کے مطابق سپریا سولے، ادھو اور آدتیہ ٹھاکرے کے علاوہ گجرات کے ایم ایل اے ناتھا بھائی اے پٹیل کے خلاف بھی انتخابی پینل کے انتظامی جائزہ کی بنیاد پر شکایات کو تفتیش کے لیے بھیجا گیا ہے۔
جبکہ شیوسینا کے لیڈر اور انتخابی معاملات کو دیکھنے والے لیڈر جنہوں نےادھو اور آدتیہ ٹھاکرے کے حلفیہ بیانات الیکشن کمشنر کے پاس جمع کروائےتھے، اسے اپوزیشن کی جانب سے معمول کی حرکت قرار دیا۔
معلوم ہو کہ شکایت کرنے والوں نے اپنے دعوے کی حمایت میں کچھ مواد نقل کیا ہے، جس سے پتہ چلتا ہے کہ ان رہنماؤں کے حلف ناموں میں لکھی گئی تفصیلات درست نہیں ہیں۔
خیال کیا جاتا ہے کہ اسی وجہ سے الیکشن کمیشن نے معاملہ سی بی ڈی ٹی کے پاس بھیج دیا ہے۔ الیکشن کمیشن کارروائی کے لیے سی بی ڈی ٹی سے پیش رفت کے منتظرہیں۔
اگر رہنماؤں پر لگائے گئے الزامات میں سچائی پائی جاتی ہے توسی بی ڈی ٹی متذکرہ افرادکے خلاف قانون کی دفعہ 125 اے کے تحت معاملہ درج کرسکتے ہیں۔ اس دفعہ کے تحت زیادہ سے زیادہ 6 ماہ جیل یا جرمانہ یا دونوں ہو سکتے ہیں۔
مزید پڑھیں:
مراٹھا ریزرویشن: سپریم کورٹ کے حکم کے خلاف مظاہرہ
انتخابی حلف نامے میں امیدوار اپنے مجرمانہ پس منظر، اثاثوں، واجبات اور تعلیمی قابلیت کی تفصیلات دیتا ہے۔ 2013 میں ، الیکشن کمیشن نے فیصلہ کیا تھا کہ سی بی ڈی ٹی حلف نامے میں لکھے گئے امیدواروں کے اثاثوں اور ذمہ داریوں کی تصدیق کرے گی۔
