ممبئی: پیغمبر اسلام حضرت محمد ﷺ کی شان میں گستاخی کرنے والی نُپور شرما کے خلاف ممبئی پولیس نے کارروائی شروع کردی ہے، یہ بات ممبئی پولیس کمشنر سنجے پانڈے نے آج کہی ہے۔ انہوں نے کہا کہ نپور شرما کے خلاف ممبئی کے پائیدھونی پولیس اسٹیشن میں ایک مقدمہ درج کیا گیا ہے۔ Case Registered Against Nupur Sharma
اطلاعات کے مطابق نُپور شرما کے حوالے ممبئی میں تمام مذہبی رہنما اور علماء کرام اور عمائدین کی جانب سے ایک میٹنگ کا انعقاد کیا گیا جس میں نُپور شرما پر کارروائی کو لیکر تبادلہ خیال کیا گیا، بعد ازاں ممبئی کے متعد علاقے اور مساجد کے باہر مسلمانوں کے جانب سے نپرشرما کے خلاف دستخطی مہم بھی چلائی گئی اور ممبئی کے پائیدھونی پولیس اسٹیشن میں ایک مقدمہ بھی درج کرایا گیا۔
مزید پڑھیں:
واضح رہے کہ توہین رسالتﷺ کو لیکر ممبئی کے سبھی مسلم تنظیمیں ایک ساتھ آوازیں بلند کر رہی ہیں اس کے ساتھ ہی مسلم علاقوں میں ماحول پرامن رہے اس بات کا بھی پورا پورا خیال رکھا جا رہا ہے۔
