منوہر جوشی نے منگل کے روز میڈیا سے خطاب کے دوران کہا ہے کہ مستقبل قریب میں شیوسینا اور بی جے پی پھر سے متحد ہوسکتے ہیں اور شیوسینا صدر ادھو ٹھاکرے اس مدعے پر صحیح وقت پر فیصلہ کریں گے۔
انھوں نے مزید کہا کہ چھوٹے مدعے پر لڑنے سے بہتر ہے کہ چند باتوں کو برداشت کرلیا جائے، اگر دونوں جماعتیں ساتھ میں کام کریں گی تو یہ دونوں کے لیے بہتر رہے گا۔
جوشی نے یہاں یہ بھی کہا ہے کہ' ایسا نہیں ہے کہ شیوسینا اب کبھی بھی بی جے پی کے ساتھ نہیں جائے گی ادھو ٹھاکرے صحیح وقت پر صحیح فیصلہ لیں گے۔
شہریت ترمیمی بل: راجیہ سبھا میں آج پیش ہوگا
واضح رہے کہ منوہر جوشی کا یہ بیان ایسے وقت میں سامنے آیا ہے جب حالیہ اسمبلی انتخابات میں دونوں جماعتوں کے درمیان وزیراعلی کے عہدے کو لے کر اختلاف ہوگیا تھا اور پھر شیوسینا نے بی جے پی سے علیحدگی اختیار کرکے کانگریس اور این سی پی کے ساتھ ریاست میں حکومت قائم کی ہے۔
جبکہ اس تعلق سے شیوسینا کے ایک دیگر سینیئر رہنما نیلم گوڑے کا کہنا ہے کہ' منوہر جوشی کا یہ بیان ان کی ذاتی رائے ہوسکتا ہے لیکن یہ پارٹی کا موقف نہیں ہے۔
نیلم گوڑے نے یہ بھی کہا ہے کہ اکثر رہنماؤں میں اس طرح کا احساس اور جذبات ہوتے ہیں۔
