ویکسین کو لیکر اس ہفتے ممبئی میں بی ایم سی کی تیاری ہوگی مکمل

ویکسین کو لیکر اب قیاس لگایا جا رہا ہے کہ جلد ہی بھارت کے کونے کونے میں اسے ہر خاص و عام تک پہنچایا جائے گا۔ وہیں ملک کی صنعت دارالحکومت ممبئی میں بھی پوری تیاری کی جاچکی ہے۔

بی ایم سی کے ایڈیشنل کمشنر سریش کاکانی نے بتایا کہ ہم نے 31 دسمبر کی بھیڑ کو دیکھتے ہوئے کرفیو نافذ کیا تھا، جس کا لوگوں نے تعاون کیا۔ اب ویکسین کولیکر ہم نے ممبئی میں 75 مراکز بنانے کا ارادہ کیا ہے موجودہ حالات کو دکھتے ہوئے ایک دن میں 10 سے 12 ہزار لوگوں کو ویکسین دی جائیگی۔

جبکہ ہم نے روزانہ 50 ہزار لوگوں کو یہ ویکسین دینے کا ٹارگیٹ بنایا ہے۔ ممبئی میں بی ایم سی کے 24 وارڈ ہیں اور ہر وارڈ میں دو سے تین ویکسین مرکز بنائے جائینگے۔

حکومت جب بھی ویکسین دینے کا اعلان کریگی، ہمیں اس کے لئے محض 24 گھنٹے درکار ہونگے ۔ ہم ان 24 گھنٹوں میں ساری تیاری مکمل کر لینگے۔

فی الحال بی ایم سی سوشل ڈسٹنسنگ اور ماسک پر زور دے رہی ہے تاکہ ملک سے کورونا کا جلد سے جلد خاتمہ ہو۔