بہار الیکشن میں بی جے پی اقلیلتی مورچہ متحرک: جمال صدیقی

'بہار انتخابات کے پہلےمرحلے میں بی جے پی کا اقلیتی مورچہ متحرک ہو گیا ہے۔'

ممبئی میں بہار اتخابات کے ضمن میں اقلیتی مورچے کے قومی صدر جمال صدیقی نے بتایا کہ گھر گھر جا کر حکومت کی اسکیموں کو متعارف کرایا گیا ہے اور مورچہ نے بوتھ لیول پر کام کرنے کا آغاز کیا ہے۔ جس کے تحت "ایک بوتھ- 10 یوتھ" کے فارمولے پر عمل کرکے بڑے پیمانے پر اقلیتی مورچے کے نوجوانوں کو فعال بنایا گیا ہے۔

انہوں نے کہا کے اس کے لیے 7 ہزار بوتھ منتخب کیے گئے ہیں۔ جہاں ان اقلیتی نوجوانوں کو مقرر کیا گیا ہے۔

جمال صدیقی نے اپنے اس عزم کا اعلان کیا کہ بی جے پی ترقی کے نام پر ووٹ حاصل کرے گی۔ اور عوام کو سرکاری اسکیموں کی معلومات گھر گھر جا کر پہنچائی جائے گی تا کہ وہ اس سے استفادہ کرسکیں۔

انھوں نے بتایا کہ بی جے پی اقلیتی مورچہ بہار اتخاب میں پوری طرح سے متحرک ہو چکا ہے اور انتخاب کے تنائج پر اس کا خاطر خواہ مثبت اثر برآمد ہوگا۔