ریاست مہاراشٹر میں بی جے پی لگاتار برسراقتدار مہاوکاس اگھاڑی پر دباؤ بنا رہی ہے اور یہ سوال اٹھا رہی ہے کہ ریاست میں جس طرح سے اموات ہورہی ہیں، سرکار پوری طرح سے کورونا وائرس وباء پر قابو پانے میں ناکام ہے اور اموات کے اعداد و شمارغلط پیش کر رہی ہے۔
اس بات کو لیکر بی جے پی رہنما سابق رکن پارلیمان کریٹ سومیا رکن اسمبلی نرنجن ڈاؤکھرے نے ممبرا کا دورہ کیا اور قبرستان کے ٹرسٹیان سے بھی ملاقات کر ان سے یہاں تدفین ہونے والی میتوں کی تفصیلات لیں۔
کریٹ سمیا نے الزام عائد کیا کہ تھانے میونسپل کارپوریشن کے اعداد شمار کے مطابق کووڈ۔19 کی اموات اور یہاں کے قبرستانوں میں تدفین ہونے والی کو میتیوں کے اعداد وشمار میں قدر حد فرق کیوں ہے؟
انھوں نے بتایا کہ اسی بات سے سے اندازہ لگا سکتے ہیں کہ صرف کوسہ کے نئے قبرستان میں ہی کووڈ۔19 کی 140 میتوں کی تدفین ہوچکی ہے اور تھانے میونسپل کارپوریشن کی فہرست میں ممبرا میں ہونے والی ہلاکت محض 30 سے 35 بتایا جارہا ہے تو اس میں صحیح کون ہے۔
سمیا نے الزام عائد کیا کہ ٹھاکرے سرکاراپنی ناکامیوں پردہ ڈالنے کے لئے مریضوں و اموات کے اعداد و شمار چھپا رہی ہے، جب کہ حالات انتہائی سنگین ہیں۔
کریٹ سمیا نے بتایا کہ رکن اسمبلی نرنجن ڈاؤکھرے یہاں کے حالات کی صحیح تفصیلات اکٹھا کر رہے ہیں اور ہم جلد ہی تمام تر صحیح جانکاریاں عوام کے سامنے پیش کریں گے۔
اس موقع پر بی جے پی وفد کی جانب سے قبریں کھودنے والوں کو سینٹائزر کٹ پیش کی۔
