مہاراشٹر کے دارالحکومت ممبئی سے متصل صنعتی شہر بھیونڈی میں دیر شام ایک ڈائنگ کمپنی میں آگ لگ گئی جس میں خام اور تیار شدہ مال سمیت لاکھوں روپے کی مشینری جل کر خاکستر ہوگئی۔
بھیونڈی کے کلیان روڈ کے نزدیک کھدان روڈ پر واقع سائزنگ اینڈ پروسیس نامی کمپنی میں شام کے تقریبا پانچ بجے اچانک زبردست آگ لگ گئی۔
حادثے کی اطلاع موصول ہوتے ہی بھیونڈی فائر بریگیڈ کی تین گاڑیا عملہ کے ساتھ موقع واردات پر پہنچی اور آگ پر قابو پانے کی کوشش کرنے لگی، لیکن پانی کی قلت کی وجہ سے آگ پر قابو پانا مشکل ہو رہا تھا۔
اس واقعے کے پیش نظر شہر سے فورا دو پانی کے ٹینکر اور کلیان سے دوسرے فائربریگیڈ کو طلب کیا گیا۔
معلومات کے مطابق آگ کی لپٹیں اتنی تیز تھی کہ کچھ ہی دیر میں پورے ڈائنگ کو اپنے زد میں لے لیا، جس میں خام اور تیار مال سمیت لاکھوں روپے کی مشینری جل کر خاکستر ہوگئی۔
