مہاراشٹر کے دارالحکومت ممبئی سے متصل پاورلوم صنعتی شہر بھیونڈی میں ایم ایم آر ڈی اے کی جانب سے زیرِ تعمیر فلائی اور کا اوپری حصہ منہدم ہونے سے افراتفری ہے۔
ممبئی کے بھیونڈی میں دیر شب پیش آئے اس حادثہ کے بعد فلائی اوور کا کام بند کرکے ٹھیکیدار اور کمپنی کے مزدور فرار ہوگئے۔
ریمپ کو جوڑنے کے دوران فلائی اوور کا اوپری حصہ منہدم ہوگیا ۔
اطلاع کے مطابق بھیونڈی شہر کے کلیان ناکہ تا سائی بابا تک ایک طویل فلائی اور ایم ایم آر ڈی اے کی جانب سے تعمیر کیا جارہا ہے۔
گذشتہ شب کام کرنے کے دوران پلر نمبر 77 کے اوپر ریمپ کے دو حصے آپس میں جوڑنے کے دوران زبردست دھماکہ کے بعد فلائی اوور کے ریمپ کا حصہ کا ملبہ کافی دور تک بکھر گیا۔
اس حادثے کے دوران آواز سے زبردست افرا تفری مچ گئی۔
ریاست میں ہونے والے انتخابات کی تاریخ کے اعلان سے قبل جلدبازی میں دن رات ایک کرکے اسے مکمل کرنے کی کوششیں ہورہی ہیں تاکہ اس کا افتتاح کر کے موجودہ حکومت سیاسی فائدہ اٹھا سکے۔
ایک کے بعد ایک ہونے والے حادثات سے فلائی اوور کے تعمیراتی کام کو انجام دینے والی کمپنی اور ایم ایم آر ڈی اے انتظامیہ کی کارکردگی پر سوالیہ نشان لگ رہا ہے۔
فی الحال ٹریفک پولیس نے حادثہ کے بعد آمدورفت کے لیے شاہراہ کو ایک طرف سے مکمل طور سے بند کرتے ہوئے ٹریفک کو دوسری طرف سے منتقل کردیا ہے۔ اس حادثہ کے بعد مقامی پولیس بھی جائے حادثہ پر پہنچ کر حالات کا جائزہ لیا۔
