نقلی اشیاء بنانے والی کمپنی کا پردہ فاش

ممبئی میں گنیش تہوار کی شروعات کے ساتھ ہی ملاوٹی ماوا بنانے والے گروہ سرگرم ہوچکے ہیں۔

اس سلسلہ میں فوڈ اینڈ ڈرگس محکمہ نے کاروائی کرتے ہوئے ملاوٹی ماوا اور ٹماٹو ساس بنانے والی فیکٹری کا پردہ فاش کیا ہے۔

ریاست مہاراشٹر کے دارالحکومت ممبئی سے متصل بھیونڈی کے لوناڑ گرام پنچایت حدود میں واقع ایم ایم فوڈ نامی فیکٹری پر محکمہ نے دھاوا کرتے ہوئے لاکھوں روپئے کی نقلی اشیا کو ضبط کرلیا۔

تھانے ایف ڈی اے کی ٹیم نے خفیہ اطلاع پر کاروائی کی تھی جبکہ فیکٹری کے منیجر رنجیت سنگھ اس سلسلہ میں دستاویزات پیش کرنے میں بھی ناکام رہے۔