کورونا وائرس سے متاثر مریضوں کی نگرانی، علاج معالجہ اور مریضوں کو تنہائی میں رکھنے کے لیے ممبئی ناسک شاہراہ پر بھیونڈی راجنولی ناکہ پر واقع ایم ایم آر ڈی اے کے ذریعہ بنایا گیا ' ٹاٹا امنترا' نامی رہائشی احاطہ میں ایک 23 منزلہ خالی عمارت کی دو منزلوں پر تمام ضروری سہولیات سے آراستہ 41 بیڈ کا قرنطینہ سینٹر بنایا گیا ہے۔
تحصیلدار ششی کانت گائیکواڈ منڈل ادھیکاری چندرکانت راجپوت اور میونسپل افسر بالا رام جادھو نگرانی میں میونسپل ملازمین مذکورہ عمارت میں پانی، بجلی اور ڈرینیج کی سہولیات کے ساتھ صاف صفائی کے لیے خصوصی محنت کررہے ہیں، اتنا ہی نہیں اس سینٹر کے متعلق مقامی لوگوں کی مخالفت کے اندیشے کے مدنظر یہاں پولیس کا بھی سخت بندوبست کیا گیا ہے۔
