کورونا وائرس سے متاثرہ ریاست مہاراشٹر کے دارالحکومت ممبئی کے سیلون کی دکانوں کو کھولنے کی مشروط اجازت مل گئی ہے۔
تقریباً تین ماہ بعد آج سے ممبئی کے سبھی سیلون کھل گئے ہیں تاہم اس دوران کورونا وائرس کی تمام احتیاطی تدابیر کو اپنایا جا رہا ہے۔
ایک سیلون مالک نے اس بابت کہا کہ 'ہم حکومت کا شکریہ ادا کرتے ہیں کہ انہوں نے ہمیں دوبارہ دکانیں کھولنے کی اجازت دی ہے۔
انہوں نے کہا کہ 'حجامت سے قبل اس کے لیے استعمال ہونے والے تمام سامانوں کو سینیٹائیز کیا جاتا ہے نیز ہر دو گھنٹے میں پوری دکان کو بھی سینیٹائز کیا جاتا ہے۔'
واضح رہے کہ مہاراشٹر میں اب تک کورونا وائرس کے ایک لاکھ 59 ہزار 133 کیسز پائے گئے ہیں جبکہ تنہا ممبئی میں 27 ہزار 134 کورونا وائرس متحرک کیسز ہیں۔
