رشوت خوری کے الزام میں بینک چیئرمین سمیت دو گرفتار

لوک وکاس ناگری سہکاری بینک کے چیئرمین جگن ناتھ جادھو اور اس کے ایک ساتھی کو اینٹی کرپشن اسکواڈ نے رشوت خوری کے الزام میں گرفتار کیا ہے۔

ریاست مہاراشٹر کے اورنگ آباد میں اینٹی کرپشن اسکوڈ نے لوک وکاس ناگریک سہکاری بینک کے چیئرمین اور ایک اکاؤنٹنٹ کو رشوت لیتے ہوئے رنگے ہاتھوں گرفتار کیا ہے۔

پولیس کا دعوی ہے کہ 'ملزم جادھو اور اس کے ساتھی آتما رام پوار نے 'انا صاحب پاٹل فینانس کارپوریشن' کے ذریعہ ایک شخص کو آٹھ لاکھ روپے لون منظور کرنے کے لئے سوا لاکھ روپے رشوت مانگی تھی۔'

اس معاملے کی اطلاع ملنے پر اینٹی کرپشن کی ٹیم نے جگن ناتھ جادھو اور اس کے ساتھی پوار کو رنگے ہاتھوں رشوت لیتے ہوئے گرفتار کرلیا ہے۔

بتایا جاتا ہے کہ ملزم جگن ناتھ جادھو کے بی جے پی سے تعلق ہے۔

فی الحال پولیس نے ملزمین کے خلاف معاملہ درج کر لیا ہے اور مزید جانچ کی جارہی ہے۔