گنیش اتسو کی مناسبت سے اورنگ آباد میں امن کمیٹی کا اجلاس منعقد ہوا، جس میں سرکاری اعلی حکام اور عوامی نمائندے شریک ہوئے۔
کورونا وبا کی تیسری لہر کو دیکھتے ہوئے عوام سے اپیل کی گئی ہے کہ وہ کورونا گائڈ لائن پر عمل کرتے ہوئےتہوار منائیں۔ تہوار کی آڑ میں کسی کو بھی قواعد کی خلاف ورزی کی اجازت نہیں ہے۔
اورنگ آباد شہر میں گنیش فیسٹیول پوری سادگی کے ساتھ منایا جائے گا۔ اس تہوار میں کورونا گائیڈ لائن پر پوری طرح عمل کیا جائے گا۔ اس طرح کی یقین دہانی شہریان اور گنیش اتسو کمیٹیوں کی جانب سے دی گئی ہے۔
یہ بھی پڑھیں:اورنگ آباد: شادی کے لیے دولہا تین کلو میٹر پیدل سفر کرنے پر مجبور
اگر گنیش اتسو میں کورونا گائڈ لائن کی خلاف ورزی کی گئی تو ان کے خلاف کارروائی کی جائے گی۔ پولیس کمشنر نکھل گپتا نےیہ انتباہ دیا۔
پولیس کمشنر تاپڑیا ناٹیہ مندر میں منعقدہ امن کمیٹی کے اجلاس میں شریک تھے۔ اس جلسے میں رکن پارلیمان امتیاز جلیل، سابق ایم پی چندر کانت کھیرے اور عوامی نمائندوں نے شرکت کی۔
