ریاست مہاراشٹر کے شہر اورنگ آباد میں واقع ہوٹل پرلیس میں جلسہ سیرت النبیﷺاور قرآن فہمی کے موضوعات پر منقعد تقریب میں معروف اسلامی اسکالر ماجد پاریکھ نے شرکت کی اور قرآن کریم کی عظمت اور ا س کے پیغام پر مفصل روشنی ڈالتے ہوئے کہا کہ مسلمانوں کی پستی کا سبب قرآن کریم کے آفاقی پیغامات کو پس پشت ڈالنا ہے۔
ہردور میں اور ہرزمانے میں حق تعالی شانہ نے اپنے بندوں کو صحیح راستہ پر چلنے کے لیے انبیاء اور رسول بھیجے۔ اور ان پرصحیفے بھی اتارے۔حضو ر نبی کریمﷺ پر اللہ تعا لی نے قرآن کریم نازل فرمایا۔ اورتاقیامت آنے والے انسانوں کے لئے قرآن کریم رشد و ہدایت کا منبع ہے۔
مذکورہ بالا خیالات کا اظہار معروف اسلامی اسکالر اور کاروباری ماجد پاریکھ نے کیا۔
مزید پڑھیں :
اورنگ آباد: جماعت اسلامی ہند کی 'کونوا انصار اللہ' ریاست گیر مہم کی شروعات
اس موقع پر انہوں نے کہا کہ آج ضرورت اس بات کی ہے کہ ہم بحیثیت مسلمان قرآن کریم کے احکام اور اس کے فرامین سے رو گردانی کے بجائے اس پر عمل کرتے ہوئے اپنی دنیا و آخرت میں سر خروئی کا سبب بنائیں۔
