ریاست مہاراشٹر کے ضلع اورنگ آباد میں یوم آزادی کے موقع پر این سی پی یو ایل کا رسالہ 'بچوں کی دنیا' کو بچوں کے درمیان مفت تقسیم کیا گیا۔ ریڈ اینڈ لیڈ فاؤنڈیشن نے گھر گھر جاکر یہ رسالہ تقسیم کرکے جشن آزادی منایا۔ اس خصوصی شمارے میں مجاہدین آزادی کی قربانیوں کو آسان انداز میں پیش کیا گیا ہے۔
پندرہ اگست یعنی یوم آزادی، بچوں کے لیے یہ موقع کسی تہوار سے کم نہیں ہوتا ہے، لیکن پچھلے دو سال سے کورونا وبا کے سبب اسکولوں پر تالے پڑھے ہوئے ہیں۔ جس کی وجہ سے اسکولی بچے جشن آزادی سے محروم ہوگئے ہیں۔
ایسے میں اورنگ آباد کی ریڈ اینڈ لیڈ فاؤنڈیشن کی جانب سے این سی پی یو ایل کا خصوصی شمارہ بچوں کی لائبریز کے ذریعے گھر گھر پہنچایا گیا۔ جس کا نتیجہ یہ ہوا کہ بچوں میں مجاہدین آزادی اور ملک کی آزادی کے لیے قربانیاں پیش کرنے والے جانثاروں کو جاننے کا موقع ملا۔
مزید پڑھیں:مالیگاؤں: یومِ آزادی پر نوجوان نسل کو نشہ کی لت سے آزادی دلانے کا عزم
جشنِ آزادی سے محروم ان بچوں کو مفت میں بچوں کی دنیا رسالہ تقسیم کیا گیا۔ طلبا و طالبات کا کہنا ہے کہ اس رسالے کے ذریعے انھیں کافی معلومات حاصل ہورہی ہیں اور وہ اپنے بڑوں کو بھی واقف کروارہے ہیں۔
