ریاست مہاراشٹر کے شہر اورنگ آباد میں اعلی سرکاری حکام اور عوامی نمائندوں کے درمیان کورونا وبا کے حوالے سے ایک جائزہ میٹنگ منعقد ہوئی۔
مہاراشٹر کے سرکاری اسپتالوں میں طبی عملے کی تقرری کو لیکر ریاستی حکومت سنجیدہ نہیں ہے۔ اس طرح کا الزام ایم آئی ایم کے رکن پارلیمان امتیاز جلیل نے لگایا ہے۔
ضلع کلکٹر آفس میں عوامی نمائندوں اور اعلی افسران کی جائزہ میٹنگ کے بعد میڈیا سے بات کرنے کے دوران رکن پارلیمان سید امتیاز جلیل نے ادھو ٹھاکرے کی حکومت پر الزام عائد کرتے ہوئے کہا کہ اورنگ آباد میں ڈاکٹروں کی تقرری کو لیکر حکومت سنجیدہ نہیں ہے، ساتھ ہی اِمتیاز جلیل نے کہا کے کورونا کے اس دور میں پرکشش پیکیج دیکر میڈیکل عملے کی تقرریاں کی جائے۔
ان کا کہنا کہ اورنگ آباد کے سرکاری اسپتالوں میں طبی عملے خاص طور پر ڈاکٹروں کی شدید ضرورت ہے۔ کوئی ڈاکٹر صرف تین مہینے کے لیے کیوں آئے گا، اس لیے حکومت کو خالی آسامیاں پُر کرنے کے لیے پرکشش پیکیج دینا چاہئے، تاکہ طبی عملے کی کمی کو دور کیا جاسکے ۔
