تاریخی، تہذیبی اور سیاحتی لحاظ سے اہمیت کا حامل اورنگ آباد شہر اسمارٹ سٹی پروجیکٹ میں شامل ہے۔ میونسپل کارپوریشن کے ایڈمنسٹریٹر آستک کمار پانڈے کی سربراہی میں اس پروجیکٹ کے تحت شہر کا نقشہ بدلا جارہا ہے۔ تاریخی دروازوں کی تزئین کاری بھی اس پروجیکٹ میں شامل ہے۔
پہلے مرحلے میں شہر کے نو تاریخی دروازے اور شاہ گنج کلاک ٹاور کی تزئین نو کی جارہی ہے۔
ایک تخمینے کے مطابق تاریخی دروازوں اور شاہ گنج کلاک ٹاور کی تزئین کاری کے لیے مجموعی طور پر چار کروڑ روپیے خرچ کیے جارہے ہیں۔
شاہ گنج کلاک اور تاریخی دروازوں کی مرمت کا کام آخری مرحلے میں ہے۔
تاریخ کے جانکاروں کا کہنا ہے کہ اورنگ آباد شہر کے تاریخی دروازے چار سو سال قدیم ہیں۔ ان تمام دروازوں پر چونے او دیگر عوامل کی ملمّہ کاری کی گئی ہیں، یہی وجہ ہے کہ سینکڑوں سال گزرنے کے باوجود ان دروازوں کو زیادہ نقصان نہیں پہنچ سکا۔
مزید پڑھیں: اورنگ آباد: تاریخی محمود دروازہ سے ٹکرائی جے سی بی
تاریخ کے جانکار اور آثار قدیمہ کے ماہرین کا کہنا ہے کہ تاریخی آثار کی تزئین کاری میں بہت احتیاط لازمی ہے۔ اس بات کا خاص خیال رکھنا لازمی ہے کہ ان کی قدیم شناخت جوں کی توں برقرار رہے۔ دروازوں کی مرمت پر مامور ٹھیکے دار کا دعویٰ ہے کہ وہ ان باتوں کا پوری طرح خیال رکھ رہے ہیں۔
