مہاراشٹر کے ضلع اورنگ آباد شہر میں رضا اکادمی کی جانب سے تری پورہ میں تشدّد اور پیغمبر اسلام کی شان میں گستاخی کے خلاف گذشتہ روز بند کا اعلان کیا گیا تھا جس کے نتیجے میں آج جمعہ کے روز آرنگ آباد شہر کے عوام نے اورنگ آباد کو مکمل طور پر بند کردیا۔ بند کا اثر شہر میں صاف طور پر دیکھنے کو مل رہا ہے۔
اس ضمن میں رضا اکیڈمی کے ذمہ داروں کا کہنا ہے کہ شہر پرامن طریقے سے بند ہے۔ کسی بھی دکاندار سے زبردستی دکان بند نہیں کرائی گئی۔ اسی کے ساتھ ہی اس بند میں برادران وطن نے بھی حصہ لیا ہے اور لوگ خود اپنا کاروبار بند کردیے۔
مزید پڑھیں:
وہیں رضا اکیڈمی دوسرے ذمہ داروں کا کہنا ہے کہ اس بند کا حکومت پر کیا اثر ہوگا وہ تو دیکھنے والی بات ہوگی لیکن آپ صلی اللہ علیہ وسلم کی شان میں گستاخی یا مذہبی عبادت گاہوں کو کوئی نقصان پہنچائے گا تو اس طرح کے واقعات کو ہرگز برداشت نہیں کیا جائے گا۔
