مہاراشٹر کے اورنگ آباد میں کل جماعتی فیڈریشن مسلم نمائندہ کونسل کی قیادت میں فرانس کی اشتعال انگیزی کے خلاف ڈویژنل کمشنر آفس کے باہر احتجاجی مظاہرہ کیا گیا، جس میں مسلم نمائندہ کونسل نے مانگ کی کہ رافیل سودا فوری طور پر منسوخ کیا جائے۔
اس موقع پر مسلمانوں سے فرانس کی اشیا کے بائیکاٹ کی اپیل کی گئی اور ساتھ ہی مودی حکومت کی خارجہ پالیسی پر پرزور مذمت کی۔
یہ بھی پڑھیے
عمر خالد کے خلاف مقدمہ چلانے کو دہلی حکومت نے منظوری دی
جمعہ کی نماز کے بعد ہوئے اس مظاہرے میں زیادہ بھیڑ جمع نہ ہو پائے، اس بات کا خاص خیال رکھا گیا، مظاہرے میں بین الاقوامی سطح پر ایسا قانون واضح کرنے کی مانگ کی گئی تاکہ مستقبل میں مذہبی شخصیات کا مذاق اڑانے والوں کو سزا دلائی جاسکے۔
مظاہریین نے حکومت ہند سے مطالبہ کیا کہ وہ رافیل سودا فوری منسوخ کریں اور فرانس کی آٹو موبائل انڈسٹری، مصنوعات اور پرفیوم انڈسٹری پر پابندی عائد کی جائے۔
