اورنگ آباد: عید کے دن 400 سالہ پرانی عیدگاہ ویران

ریاست مہاراشٹر کے اورنگ آباد میں ملک عنبر کی تعمیر کردہ 400 سالہ قدیم و تاریخی عیدگاہ کورونا وائرس کی وجہ سے ویران ہو گئی۔ انتظامیہ کا فیصلہ تھا کہ عید کے دن کوئی بھی شخص عید گاہ میں نماز نہیں پڑے گا جس کا اثر عید گاہ میں دیکھا گیا۔

عیدالفطر کے موقعے پر اورنگ آباد کی عید گاہ میں نمازعید کا اہتمام نہیں ہوسکا کورونا وائرس کی وبا کے سبب شہر کے علماء و اکابرین نے متفقہ فیصلہ کیا تھا کہ عید کی نماز مسلمان اپنے گھر میں ادا کریں گے۔

پولیس انتظامیہ کے ساتھ میٹنگ کے بعد صحت عامہ کا خیال رکھتے ہوئے علماء نے عید گاہ میں نماز ادا نہ کرنے کا فیصلہ کیا شہریان نے بھی علماء کے فیصلہ ہر رضامندی ظاہر کی اور عید کی نماز گھروں میں ہی ادا کی۔

اورنگ آباد کے مسلمانوں کے اس اقدام کی پولیسں کمشنر چرنجیوی پرساد نے ستائش کی اسی طرح اے سی پی ناگناتھ کوڑے نے مسلمانوں کے تعاون کو غیر معمولی قرار دیا ۔