وزیر اعلیٰ ادھو ٹھاکرے نے کہا کہ 'ممبئی کی فلم انڈسٹری ایک تفریحی صنعت کے ساتھ ساتھ بہت بڑا روزگار مہیا کرنے والا شعبہ ہے۔ لاکھوں لوگوں کو اس شعبہ سے روزگار ملتا ہے اور بہت سے گمنام فنکار یہاں آ کر ہی مقبول ہوئے ہیں لیکن گزشتہ کچھ دنوں سے بالی ووڈ میں لوگوں کی بدنامی کی جا رہی ہے یہ چیز انتہائی تکلیف دہ ہے۔'
انہوں نے کہا کہ بالی ووڈ کو بدنام کرنے کے لئے گزشتہ دنوں سے سازش کی جا رہی ہے۔ ممبئی نہ صرف مہاراشٹر کی معاشی راجدھانی ہے بلکہ ثقافتی راجدھانی کے طور پر بھی پوری دنیا میں مشہور ہے۔'
بالی ووڈ میں ہالی ووڈ کی فلموں کا مقابلہ کرنے والی فلمیں بھی بن رہی ہیں جس کی عالمی پیمانے پر پذیرائی ہو رہی ہے۔'
واضح رہے کہ ادھو کا بیان اداکار سشانت سنگھ راجپوت کی موت کے معاملے میں متعدد ایجنسیوں کے ذریعہ کی جانے والی تحقیقات اور میڈیا کوریج کے بارے میں منظر عام پر آیا ہے جسے کچھ لوگوں نے بالی ووڈ کو نشانہ بنانے کی 'جان بوجھ کر' مہم قرار دیا ہے۔
فلمی صنعت کی شبیہ کو داغدار کرنے کی کوششیں کی جا رہی ہیں جو کافی تشویشناک ہے۔
یہ بھی پڑھیں: ادھو حکومت کو برخاست کرنے والی درخواست سپریم کورٹ سے خارج
حال ہی میں اتر پردیش حکومت نے فلمی ہستیوں کو متوجہ کرنے کے لئے ریاست میں ایک فلم سٹی بنانےکےمنصوبے کااعلان کیا تھا۔
ادھو ٹھاکرے نے سنیما مالکان کو بتایا کہ 'ریاست کے محکمہ ثقافت نے سنیما ہالز کو دوبارہ کھولنے کے سلسلے میں ایک معیاری آپریٹنگ طریقہ کار ( ایس او پی) تیار کیا ہے جو چھ ماہ سے زیادہ عرصے سے بند پڑے تھے۔ ایس او پی فائل ہوجانے کے بعد سنیما ہالز کو دوبارہ کھولنے کا فیصلہ کیا جائے گا۔
