مرکزی حکومت کی جاری کردہ گائیڈ لائن کے مطابق پہلے مرحلے کے تحت صرف ہیلتھ ورکرس کو ترجیح دی جائے گی۔ اسی کے مد نظر مہاراشٹر میں رجسٹرڈ سرکاری و پرائیویٹ ڈاکٹرز، نرس اور دیگر ہیلتھ ورکرز کو کورونا سے بچاؤ کے لیے ٹیکہ لگانے کا کام شروع ہوا۔ پہلا ٹیکہ لینے والوں کو 4 ہفتے بعد دوسرا ٹیکہ لگایا جائے گا۔
ریاست کو کووڈشیلڈ ویکسین کے 9.63 لاکھ ٹیکے اور کوویکسین کے 20 ہزار ٹیکے فراہم کئے گئے جسے تمام اضلاع میں تقسیم کردیا گیا ہے۔ پہلے مرحلے میں 28 ہزار 500 افراد کا احاطہ کیا جائے گا۔
ریاست میں 6 مراکز پر بھارت بائیوٹیک کا کوویکسین ٹیکہ دیا جائے گا جن میں 4 میڈیکل کالج اور 2 ضلعی ہستال شامل ہیں۔ آج جے جے ہسپتال میں بھی کورونا کی ٹیکہ کاری مہم کا افتتاح کیا گیا۔ اس موقع پر رکن اسمبلی امین پٹیل، ضلع کلکٹر راجیو نیوٹکر، ریاستی میڈیکل ایجوکیشن ڈائریکٹر ڈاکٹر ٹی پی لہانے اور جے جے ہسپتال کے سپرنٹنڈنٹ رنجیت مانکشور و دیگر سرکاری افسران موجود تھے۔
