اورنگ آباد: دنیا بھر میں مشہور اجنٹا غاروں کی سیر کے لیے دوستوں کے ساتھ آئے گوپال چوہان پھسل کر 70 فٹ نیچے سات کنڈ نامی گہرے کنڈ میں جا گرا۔محکمہ آثار قدیمہ اور پولیس نے مستعدی کا مظاہرہ کرتے ہوئے نوجوان کی جان بچائی۔
ذرائع کے مطابق گوپال چوہان ساکن ساندہ تانڈہ تعلقہ سوئے گاؤں میں گزشتہ روز اتوار کو دوپہر میں اپنے دوستوں کے ساتھ اجنٹا دیکھنے آیا تھا۔غاریں دیکھنے کے بعد آبشار دیکھنے پہاڑی پر گئے تو آبشار کے پاس بیٹھے گوپال موبائل پر سیلفی لے رہا تھا کہ اچانک اس کا پیر پھسل گیا اور سو فٹ نیچے گہرے سات کنڈا نامی کنڈ میں جا گرا جہاں پر پانی بھرا ہوا تھا وہ اپنی جان بچانے کے لیے تیرا کی کرتے ہوئے کنارے پر بیٹھ گیا۔
اس کے دوستوں کی چیخ و پکار کے بعد آس پاس کے کچھ لوگ جائے وقوع پر پہنچے اور اس کی اطلاع غار ہائے اجنٹا کے دفتر کو واقعہ کی اطلاع دی محکمہ آثار قدیمہ کے ملازمین نے حفاظتی بیلٹ کے ساتھ سات کنڈ کے قریب دوڑ لگائی اور حفاظتی بیلٹ کے ذریعہ ایک سے دو گھنٹے کی کوشش کے بعد سیاح کو باہر نکالا۔
یہ بھی پڑھیں:Heavy Rain in Mumbai تیز بارش کے سبب گوونڈی قبرستان کو دیواریں منہدم
محکمہ آثار قدیمہ کے اجنٹا غاروں کے ملازمین و فردا پور پولیس اسٹیشن کے ملازمین نے سیاح کو نکالنے میں مدد کی جس کے بعد سات کنڈ میں گرنے والے نوجوان نے پولیس اور محکمہ آثار قدیمہ کے ملازمین کا شکریہ ادا کیا۔ فی الحال اس معاملے میں کسی بھی قسم کی شکایت درج نہیں کی گئی۔
