میونسپل کارپوریشن اسکول میں لگائے جائیں گے مصنوعی ٹرف

اورنگ آباد میونسپل کارپوریشن کے ایڈمنسٹریٹر جی سریکانت سرکاری اسکولوں میں پڑھنے والے بچوں کو کئی ساری سہولت فراہم کر رہے ہیں۔ حال ہی میں انہوں نے فیصلہ کیا ہے کہ میونسپل کارپوریشن کے اسکولوں میں مصنوعی ٹرف لگائے جائیں گے جس سے بچے اسپورٹس کی طرف راغب ہوں گے۔ ایڈمنسٹریٹر نے کہا ہے کہ میونسپل کارپوریشن کے 72 اسکولوں میں تقریباً اٹھارہ ہزار طلباء پڑھتے ہیں۔ اور ان بچوں کی جسمانی نشو ونما بھی بہت زیادہ بڑھیں گی۔ Artificial turf will be installed in Aurangabad Municipal Corporation School

اورنگ آباد: اورنگ آباد میونسپل کارپوریشن کے ایڈمنسٹریٹر جی سریکانت نے میونسپل اسکولوں میں طلباء کے لیے مختلف سہولیات تیار کرنے پر زور دیا ہے۔ گرو ایپ کے ذریعہ اساتذہ کو نظم و ضبط کا پابند بنایا جاتا ہے۔ اس سے طلباء کی حاضری کو 90 فیصد تک بڑھانے میں بھی مدد ملی ہے۔ اب اورنگ آباد میونسپل کارپوریشن کے بڑے اسکول جس میں طلبہ کی تعداد زیادہ ہوگی وہاں پر مصنوعی ٹرف لگائے جائیں گے۔ اس کے ذریعہ طلباء کے لیے اسکول کے میدانوں میں مختلف قسم کے کھیلوں کا سامان نصب کیا جائے گا۔ اس سے اسکول میں پڑھنے کے ساتھ ساتھ طلباء میں کھیلوں کا ذوق بھی بڑھے گا۔ میونسپل ایڈمنسٹریٹر کا خیال ہے کہ اس سے اسکولی بچوں کو جسمانی ورزش بھی ملے گی۔ ایڈمنسٹریٹر نے کہا ہے کہ میونسپل کارپوریشن کے 72 اسکولوں میں تقریباً اٹھارہ ہزار طلباء پڑھتے ہیں۔ میونسپل اسکولوں میں آنے والے زیادہ تر طلباء متوسط اور غریب خاندان سے ہیں۔ پرائیویٹ اسکولوں کی طرح تمام جسمانی سہولیات فراہم کر کے ان طلباء کے معیار کو بہتر بنانے کے لیے ایڈمنسٹریٹر جی سریکانت نے اپنی آمد کے بعد قدم بڑھایا ہے۔