ماہِ ذوالحجہ کا آغاز ہوچکا ہے، ذوالحجہ کی دس تاریخ میں مسلمان عیدالاضحیٰ مناتے ہیں اور سنت ابراہیمی پر عمل کرتے ہوئے قربانی کرتے ہیں، عید الاضحی کی آمد سے قبل مسلمانوں کی جانب سے قربانی کیلئے تیاریاں زور و شور سے جاری ہیں، ملک کے متعدد شہروں کے مسلم اکثریتی علاقوں میں لوہاروں کی دکانوں پر قربانی کے اوزار خریدنے والوں کی بھیڑ نظر آرہی ہے۔ Blacksmiths from Several Villages Reached Malegaon۔ عیدالاضحیٰ کے پیش نظر مہاراشٹر کے مسلم اکثریتی شہر مالیگاؤں کے متعدد مقامات پر لوہار (پنچال) سماج کے افراد عارضی طور پر سڑکوں کے کنارے دکانیں لگاتے ہیں، جس سے ایک جانب شہریوں کو مطلوبہ سامان بآسانی دستیاب ہوجاتا ہے جبکہ دوسری جانب لوہاروں کی اچھی خاصی کمائی بھی ہوجاتی ہے۔
منیش نانا جی نے مزید کہا کہ موجودہ حکومت لوہار سماج کے ساتھ کسی بھی طرح کا کوئی تعاون نہیں کررہی ہے، سیزن ختم ہوتے ہی ہمیں دوسرے روزگار کی تلاش میں نکلنا پڑتا ہے، انہوں نے بتایا کہ کورونا کے بعد لوگ جوش و خروش کے ساتھ تہوار مناتے ہوئے نظر آرہے ہیں، جس سے انہیں امید ہے کہ اس سال اچھی خاصی کمائی ہوگی۔
