ریاستی وزیر پر رشوت لینے کا الزام

مہاراشٹر کے وزیربرائے سماجی انصاف دلیپ کامبلے کے ذریعے شراب کی دکان کے لیے لائسنس جاری کرنے کے عوض ڈھائی کروڑ روپے رشوت لینے کا معاملہ سامنے آیا ہے۔

جس کے مدنظر نیشنلسٹ کانگریس پارٹی کے ترجمان نواب ملک اور کانگریس پارٹی کے ترجمان سچن ساونت نے عہدہ وزارت سے انہیں برطرف کرنے کا مطالبہ کیا ہے۔

اس سلسلے میں عدالت نے کیس داخل کرنے کا حکم دیا ہے۔ ولاس چوہان نامی شخص نے عدالت میں عرضی دائر کی تھی۔

لہذا ریاستی وزیر کے خلاف ملک اور ساونت نے کارروائی کرنے کا مطالبہ کیا ہے۔