یوم آزادی کی تقریب کے موقع پر اورنگ آباد میں ایم آئی ایم اور دیگر سیاسی پارٹیوں نے وزیر صنعت سبھاش دیسائی کو کالا جھنڈا دکھا کر ان کا بائیکاٹ کیا۔ اس موقع پر ڈیویژنل کمشنر آفس کے روبرو سخت پولیس بندوبست کے باوجود وزیر صنعت کے قافلہ کے سامنے آئی ایم کا ایک کارکن شیخ ندیم نے احتجاج درج کیا۔ پولیس نے فوری اسے ہٹالیا لیکن اس ہنگامے میں ایم آئی ایم کارکن زخمی ہوگئے۔ جسے علاج کے لیے ہسپتال میں داخل کیا گیا ہے۔
واضح رہے انٹر نیشنل اسپورٹس یونیورسٹی کا قیام اورنگ آباد میں ہونے والا تھا لیکن سیاسی بالادستی کے سبب یونیورسٹی پونا منتقل کردی گئی۔ جس پر ایم آئی ایم نے احتجاج کیا اس احتجاج کی حمایت شیوسینا ایم ایل اے سنجئے شرساٹھ نے بھی کی۔
شیو سینا رکن اسمبلی شرسٹھا نے کہا کہ شہریاں نے جو احتجاج میں کالے پرچم دکھائے ان کا مقصد غلط نہیں ہے۔ مراٹھواڑہ میں جو اسپورٹس یونیورسٹی قائم ہونی تھی جسے یہاں سے منتقل کیا گیا، یہ ناانصافی ہے، مراٹھواڑہ کی ترقی ہونی چاہیے، کابینہ میٹنگ کے موقعے پر ہم کل جماعتی وفد کی شکل میں وزیر اعلی سے اس مسئلے پر ملاقات کریں گے۔ انہوں نے کہا کہ مراٹھواڑہ کی ترقی کے لیے ہم سب ایک ساتھ ہیں یونیورسٹی کے مطالبے کو ہماری پرزور حمایت ہے۔
