اورنگ آباد: ریاست مہاراشٹر کے اورنگ آباد میں ریاستی کابینہ کا خصوصی اجلاس منعقد کیا گیا تھا جس میں ریاست کے تمام وزراء نے اجلاس میں شرکت کی. اس دوران کئی سارے ترقیاتی کاموں کو منظوری دی گئی ہے۔ اس اجلاس میں مرہٹواڑہ میں قحط سالی کی صورتحال کو کس طرح سے دور کیا جا سکتا ہے، اس پر منصوبہ بندی کی گئی، مرہٹواڑہ کہ آٹھ اضلاع میں کس طرح پانی کی فراہمی کی جائے اس پر فیصلہ کیا گیا اور ایک بڑی رقم بھی مراٹھواڑا کو دینے کا فیصلہ کیا۔
وزیراعلی ایک ناتھ شندے نے پریس کانفرنس سے خطاب کرتے ہوئے کہا کہ اب اورنگ آباد ضلع ، ڈویژن کا پوری طرح سے نام چھترپتی سنبھاجی نگر کرنے کا بھی فیصلہ اس کابنائی اجلاس میں کیا گیا ہے۔ آپ کو بتا دے کہ پچھلے کئی سالوں سے اورنگ آباد شہر کے نام تبدیل کرنے کی حمایت اور مخالفت کی جا رہی تھی لیکن سابقائی حکومت نے جاتے اورنگ آباد شہر کا نام سنبھاجی نگر کیا تھا تو وہیں نئی حکومت بننے کے بعد ایکناتھ شندے کی قیادت میں چل رہی۔
حکومت نے شہر کا نام چھترپتی سنبھاجی نگر کر دیا، اسی کے بعد سے کئی ساری مسلم تنظیموں کی جانب سے عدالت کا دروازہ بھی کھٹکھٹایا گیا عدالت نے کچھ وقت تک اورنگ آباد اور سمجھاجی نگر معاملے میں غور و خوص کیا اور عدالت میں معاملہ چل ہی رہا تھا کہ آج اورنگ آباد کی خصوصی کابنائی اجلاس میں پورے اورنگ آباد ڈویژن کا نام چھترپتی سمباجی نگر کرنے کا فیصلہ بھی کیا گیا۔
یہ بھی پڑھیں:Demand For Muslim Education وزیراعلی ایکناتھ شندے نے مسلم شخص سے گاڑی روک کر ملاقات کی
وزیراعلی کی جانب سے پورے ڈویژن کا نام چھترپتی سنبھاجی نگر کرنے کے بعد کئی سارے مسلم علاقوں میں نوجوانوں میں غصہ دکھائی دیا اورنگ آباد شہر کے شاہ گنج علاقے میں کئی سارے نوجوان جمع ہو گئے لیکن پولیس کی مداخلت اور رکن پارلمان امتیاز جلیل کی اپیل پر نوجوان خاموش رہے۔
