کار پلٹنے سے دو مسافروں کی موت، تین دیگر زخمی

لاک ڈاؤن کے سبب ممبئی سے اپنے گھر لوٹ رہے دو کپڑا تاجروں کی کار راج گڑھ ضلع کے سارنگ پور میں گوپال پورہ کے نزدیک بے قابو ہوکر ہو کر ڈیوائیڈر سے ٹکرا گئی۔

جس کی وجہ سے دو تاجروں کی موت اور تین دیگر سنگین طور پر زخمی ہوگئے۔

پولیس ذرائع کی آج اطلاع کے مطابق لکھنٔو کے بلرام پور کے افسر (45) اور سرور ملک (32) اپنے تین دیگر قریبی ساتھیوں کے ساتھ کار سے گاؤں واپس آرہے تھے۔

اسی دوران کل یہاں گوپال پورہ کے موڑ پر تیز رفتاری سے جارہی کار بے قابو ہوکر ڈیوائیڈر سے ٹکراگئی۔ حادثے میں کار سوار افسر اور سرور نے موقع پر ہی دم توڑ دیا جبکہ تین دیگر کو علاج کے لئے ضلع اسپتال بھیجا گیا ہے۔

اس معاملے میں پولیس نے معاملہ درج کرلیا ہے۔