گوا میں گزشتہ 24 گھنٹوں کے دوران تقریباً 76 مریض آکسیجن کی قلت کے باعث فوت ہوگئے۔ جس کے بعد گوا کے وزیر اعلیٰ پرمود ساونت کی حکومت اپوزیشن جماعتوں کی تنقیدوں کے حملے کی زد میں آگئی ہے۔ ریاست میں آکسیجن کی کمی کو روکنے کے لئے اپوزیشن جماعتوں نے ریاستی حکومت سے مطالبہ کیا ہے کہ وہ اس سلسلہ میں ہنگامی طور پر اقدامات کرے۔
اس درمیان گوا کی ریاستی حکومت نے جمعرات کے روز گوا ہائی کورٹ کو آگاہ کیا ہے کہ 30 اپریل سے 11 مئی کے درمیان آکسیجن کی فراہمی نہ ہونے کی وجہ سے تقریباً 378 اموات ہوئی ہیں۔ خبروں کے مطابق تاہم اس سلسلہ میں مزید تفصیلات کا انتظار ہے۔
