ریاست مہاراشٹر کے خطہ مراٹھواڑہ کے آٹھ اضلاع میں گذشتہ 24 گھنٹوں کے دوران کورونا وائرس (کووڈ۔19) کے510 نئے کیسز درج کیے گئے ہیں۔
ہیلتھ افسران نے یہ اطلاع دی۔ اسی عرصے کے دوران ان آٹھ اضلاع میں جان لیوا وبا سے 17 مریضوں کی موت بھی ہوئی ہے۔
ڈسٹرکٹ ہیڈ کوارٹرز کے جاری کردہ اعداد و شمار کے مطابق ضلع اورنگ آباد کورونا سے سب سے زیادہ متاثر ہوا جہاں 151 نئے کیسز رپورٹ ہوئے ہیں اور پانچ افراد کی موت ہوگئی ہے۔ اس کے بعد ضلع بیڈ میں 77 کیسز اور پانچ اموات ، ضلع ناندیڑ میں 76 کیسز اور ایک موت، ضلع عثمان آباد میں 67 کیسز اور تین اموات ، ضلع لاتور میں 54 نئے کیسز اور ایک موت ، ضلع جالنہ میں 59 نئے کیسز اور ایک کی موت ، ضلع پربھنی میں 14 کیسز اور ایک شخص کی موت اور ضلع ہنگولی میں سات کیسز رپورٹ ہوئے ہیں۔
دریں اثنا مہاراشٹر میں کورونا وائرس کے کل 6،417 نئے کیسز رپورٹ ہوئے ہیں اور 137 افراد کی موت ہوئی ہے۔
ریاست مہاراشٹر میں اب تک کورونا وائرس کے 16.38 لاکھ سے زائد کیسز کی تصدیق ہوچکی ہے اور اس وبا سے 43،152 افراد کی موت ہوچکی ہے۔ ریاست میں کورونا وائرس کے 14.55 لاکھ سے زائد مریض شفایاب ہوئے ہیں۔
فی الحال مہاراشٹر کے مختلف اسپتالوں اور کووڈ کیئر سنٹرز میں کورونا کے 1.40 لاکھ مریض زیر علاج ہیں۔
یہ بھی پڑھیں: مراٹھواڑہ میں کورونا کے نئے معاملے
