مہاراشٹر کے مراٹھواڑہ علاقہ میں کورونا وائرس (کووڈ 19) وبا کے نئے معاملے تیزی سے سامنے آرہے ہیں۔ گزشتہ 24 گھنٹوں کے دوران انفیکشن کے 4210 نئے واقعات سامنے آئے ہیں، جبکہ 88 مریضوں کی موت ہوگئی۔
صحت افسران نے بدھ کے روز یہ معلومات فراہم کی۔ تمام ضلعی ہیڈ کوارٹرز سے جمع کی گئی معلومات کے مطابق خطے کے آٹھ اضلاع میں سے اورنگ آباد اس وبا سے سب سے زیادہ متاثر ہوا تھا جہاں انفیکشن کے 1116 نئے واقعات رونما ہوئے تھے اور 43 افراد کی موت ہوگئی تھی۔
اس کے بعد ناندیڑ میں 950 نئے کیسز سامنے آئے اور وہاں 20 افراد کی موت ہوگئی۔ پربھنی میں 979 نئے کیسز رپورٹ ہوئے اور نو افراد کی موت واقع ہوگئی۔ لاتور میں 557 نئے کیسز رپورٹ ہوئے اور پانچ افراد کی موت ہوگئی ہے ۔ 224 نئے کیسز ہنگولی میں رپورٹ ہوئے ہیں اور دو افراد کی موت ہوگئی ۔318 نئے کیسز بیڑ میں رپورٹ ہوئے اور ایک مریض کی موت ہوگئی۔ اسی دوران عثمان آباد میں 224 نئے کیسز سامنے آئے ہیں۔
یو این آئی
