کیجریوال نے صحافیوں سے بات کرتے ہوئے کہا کہ "ہر کنبہ کو ہر ماہ 300 یونٹ تک مفت بجلی فراہم کی جائے گی۔ اگر دہلی میں لوگوں کو مفت بجلی دی جاسکتی ہے تو پھر گوا کے لوگوں کو مفت بجلی کیوں فراہم نہیں کی جاسکتی ہے۔ "
انہوں نے بتایا کہ ساحلی ریاست کے پاس اس کے استعمال سے کہیں زیادہ بجلی ہے لیکن بجلی کی مسلسل کمی ہوتی ہے۔ انہوں نے دعوی کیا کہ 87 فیصد بجلی صارفین ان کی اسکیم سے فائدہ اٹھائیں گے اور پرانے بل معاف کردیئے جائیں گے۔
دہلی کے وزیراعلی نے کہا کہ ریاست میں 24 گھنٹے بجلی کی فراہمی ہوگی اور کسانوں کو مفت بجلی دی جائے گی۔ جون 10 میں کانگریس کو چھوڑ کر 10 جن ممبران اسمبلی نے بھارتیہ جنتا پارٹی (بی جے پی) میں شامل ہوئے تھے کو ہدف تنقید بناتے ہوئے انہوں نے کہا کہ یہ اسمبلی ممبران ترقی کی خاطر بی جے پی میں شامل ہوئے تھے۔ کیا ترقی ہوئی ہے؟ اب لوگ کہہ رہے ہیں کہ اس نے پیسوں کے لئے پارٹی بدلی۔ لوگوں کا خیال ہے کہ ان کے ساتھ دھوکہ ہوا ہے۔
کجریوال ریاست کے دو روزہ دورے پر ہیں۔ انہوں نے بتایا کہ حقیقت یہ ہے کہ جنہیں اپوزیشن میں رہنا چاہئے وہ اقتدار میں ہیں اور جن کو اقتدار میں رہنا چاہئے وہ اپوزیشن میں ہیں۔
یہ بھی پڑھیں: امسال 'بھارت رتن ایوارڈ' ڈاکٹرز کو ملنا چاہیے: کیجریوال
واضح رہے کہ گوا قانون ساز اسمبلی کے انتخابات فروری 2022 میں ہوں گے۔ عام آدمی پارٹی نے 2017 کے انتخابات میں 39 نشستوں پر مقابلہ کیا تھا لیکن اس نے ایک بھی نشست حاصل نہیں کی تھی۔
یواین آئی
