ممبئی: 25 فٹ لمبی اور دو ٹن وزنی وہیل مچھلی آپ نے دیکھی کیا؟

بحیرہ عرب میں ماہی گیری کے ایک ٹرالر نے قلابہ سے تقریباً 50 کلو میٹر کے فاصلے پر ایک وہیل شارک مچھلی کو غلطی سے اپنے جال میں پھنسالیا۔ جو تقریباً آٹھ میٹر (25 فٹ) لمبی اور دو ٹن سے زیادہ وزنی ہے۔ جسے ممبئی لایا گیا اور پھر کرین کی مدد سے اسے نکالا گیا۔

اطلات کے مطابق کل رات طاقتور مچھلی ماہی گیروں کے جال میں الجھ گئی اور اس نے خود کو آزاد کرنے کے لئے خوب جدوجہد کی، لیکن ناکام رہی۔

اندھیرے اور خرابی موسم کے سبب، فشنگ ٹرالر نے اس بڑی مخلوق کو اپنے پیچھے جالوں میں گھسیٹتے ہوئے واپس ممبئی جانے کا فیصلہ کیا۔

اکھل بھارتیہ مچھلی مار کریتی سمیتی کے صدر اور ماہی گیروں کے ممتاز رہنما دامودر ٹنڈیل کو ماہی گیروں نےمطلع کیا، اور پھر اسے ساحل سمندر تک لے جایا گیا، جہاں سے اس طاقتور مچھلی کو ایک کرین کے ذریعہ نکالا گیا۔

مچھلی کو دیکھ کر دیگر متجسس ماہی گیر سیلفی کلک کرنے کے لیے جمع ہوگئے۔

ماہی گیر اس مچھلی کو 'دیو ماس' کہتے ہیں۔ سمندر سے نکالنے کے بعد ایک تاجر نے اسے خرید لیا، جو وہیل مچھلی سے تیل نکالے گا اور بعد میں باقیات کو دیگر کاموں کے لیے استعمال کیا جائے گا۔