مہاراشٹر: راج بھون میں 18 افراد کورونا وائرس سے متاثر

مہاراشٹر راج بھون میں کام کرنے والے 18 افراد کورونا وائرس سے متاثر پائے گئے ہیں، گزشتہ روز سبھی افراد کا کورونا ٹیسٹ ہوا تھا۔

برہن ممبئی میونسپل کارپوریشن (بی ایم سی) کی جانب سے انہیں آج اس بات کی اطلاع دی گئی ہے۔

ذرائع کا کہنا ہے کہ ان افراد کا دوبارہ کورونا ٹیسٹ ہوگا۔

اس سلسلے میں مزید تفصیلات کے منتظر ہیں۔

وزارت صحت و خاندانی بہبود کے مطابق مہاراشٹر میں اب تک کووڈ 19 کے 2،46،600 معاملات درج ہوئے ہیں۔

ان میں 99،499 افراد کا علاج جاری ہے۔ جب کہ 136985 افراد صحت یاب ہوکر گھر جا چکے ہیں۔

ریاست میں اس وائرس سے مجموعی طور پر 10116 افراد ہلاک ہوئے ہیں۔