مالیگاؤں شہر کو جب ریڈ زون قرار دیا گیا تھا۔ اس وقت مختلف شہروں سے پولیس اور ایس آر پی ایف کے جوانوں کو شہر کے 90 ریڈ زون علاقوں میں تعینات کیا گیا تھا جس میں ناسک دیہی پولیس 89، جالنہ ایس آر پی ایف 39، اورنگ آباد ایس آر پی ایف 10، امراوتی ایس آر پی ایف 13، دھولیہ ایس آر پی ایف 1، مروڑ ایس آر پی ایف 2، جلگاؤں پولیس 4 اور ممبئی ریلوے پولیس کے 12 اہلکار کورونا سے صحتیاب ہوچکے ہیں۔
اس طرح کی معلومات ناسک ضلع ایس پی آرتی سنگھ نے میڈیا کو دی ہے۔ فی الحال مالیگاؤں میں کورونا مریضوں کی تعداد میں کمی ہوئی ہے اور اب مالیگاؤں ریڈ زون کی فہرست سے باہر ہے۔ شہر کے تمام تر کاروبار شروع ہوچکے ہیں لیکن مساجد بند ہیں اور لاک ڈاؤن بھی برقرار ہے۔
