ریاست مہاراشٹر کے شہر اورنگ آباد میں سٹی پولیس چوک نے آئی پی ایل پر آن لائن سٹہ کا انکشاف کرتے ہوئے 15 افراد کو گرفتار کیا ہے۔
یہ کاروائی اورنگ آباد کے شاہراہ این 12 علاقے میں ایک عمارت میں پیش آئی جہاں آن لائن سٹہ جاری تھا۔ اطلاع ملنے کے بعد پولیس نے چھاپہ مار کر 15 ملزموں کو گرفتار کیا۔
آن لائن سٹہ کا انکشاف، 15 گرفتار
واضح رہے کہ اورنگ آباد کے سٹی چوک پولیس اسٹیشن میں آن لائن سٹہ کھیلنے کا معاملہ درج کیا گیا تھا جس کے بعد پولیس نے دیر رات یہ کارروائی کی۔
یہ بھی پڑھیں: گوا میں آئی پی ایل سٹا ریکٹ کا انکشاف، چار گرفتار
سٹی چوک پولیس نے ان ملزمان کے قبضے سے پچاس سے زیادہ موبائل، کمپیوٹر، لیپ ٹاپ کے علاوہ دیگر الیکٹرانک سامان ضبط کیا ہے۔ گرفتار کیے گئے تمام ملزمان کی عمر اٹھارہ سے تیس سال تک ہے۔
