ممبئی کے دھاراوی میں 11 نئے کورونا کیسز

برہن ممبئی میونسپل کارپوریشن نے بتایا کہ ممبئی کے دھاراوی میں کورونا وائرس کے 11 نئے معاملے سامنے آئے ہیں،اس علاقے میں کورونا وائرس متاثرین کی تعداد 71 ہوگئی ہے۔

دھاراوی میں 71 میں سے اب تک 8 مریض انفیکشن کی وجہ سے ہلاک ہوگئے ہیں۔

وازارت صحت کے مطابق مہاراشٹر میں کورونا متاثرین کی تعداد 2916 ہوگئی ہے۔جب کہ 295 افراد صحتاب بھی ہوئے ہیں، اور 187 افراد ہلاک ہوئے ہیں۔

وہیں ملک بھر میں کورونا وائرس کا قہر جاری ہے، محکمہ صحت کے مطابق بھارت میں کل 12،380 افراد کورونا وائرس سے متاثر ہوئے ہیں، جب کہ 414 افراد ہلاک ہوگئے ہیں، وہیں 1489 صحتیاب بھی ہوئے ہیں۔