اورنگ آباد:ستارا ضلع کے پوسیساولی گاؤں میں سوشل میڈیا پر وائرل پوسٹ کی وجہ سے پتھراؤ اور آگ زنی کا واقعہ پیش آیا۔ پرتشدد واقعات میں متعدد افراد زخمی ہوئے جبکہ کئی دکانات میں توڑ پھوڑ کی گئی۔ پوسیساولی گاؤں میں تشدد کے واقعات کے بعد پولیس نے سیکوریٹی کے سخت انتظامات کئے ہیں اور ستارا میں انٹرنیٹ خدمات کو معطل کردیا گیا۔ پولیس نے عوام سے افواہوں پر یقین نہ کرنے کی اپیل کی ہے۔
ستارا کے پوسیساولی گاؤں میں 10 ستمبر کو ہوئے فسادات میں ایک شخص ہلاک ہوگیا جبکہ متعدد زخمی ہوئے۔ پرتشدد واقعات میں کئی لوگوں کی گاڑیوں، مکانوں اور دکانوں کو نقصان پہنچا ہے۔ واقعہ کے بعد ستارا میں بھارری پولیس فورس کو تعینات کرکے حالات کو قابو میں کیا گیا۔ تفصیلات کے مطابق 15 دن پہلے کچھ لوگوں نے انسٹاگرام پر عظیم رہنماؤں کے خلاف قابل اعتراض پوسٹ کیا تھا اس کے بعد گاؤں کے حالات کشیدہ ہوگئے تھے۔ دو روز قبل دو گروپ میں تصادم ہوا اور ہنگامہ کی گئی۔
یہ بھی پڑھیں: Bharat Vs India row ہم ملک کا نام نہیں بدلیں گے، وزیر اعظم بدلیں گے':ٹھاکرے
مہاراشٹر کے مغربی حصّے میں پچھلے چند ماہ سے فرقہ پرست عناصر آپسی بھائی چارے کو ختم کرنے اور ماحول کو خراب کرنے کی کوشش میں ہیں۔ پرتشدد واقعات کے دوران شرپسندوں نے گاؤں کی ایک مسجد پر حملہ کردیا اور یہاں موجود نمازیوں پر مارا پیٹا۔ متعدد نماز اس حملہ میں زخمی ہوگئے جبکہ ایک شخص جاں بحق ہوگیا۔ شرپسندوں نے مسجد میں بڑے پیمانہ پر توڑ پھوڑ کی۔
