ریاست مدھیہ پردیش کے صنعتی شہر کی پولیس کو مخبر سے اطلاع ملی تھی کہ کچھ لوگ غیرقانونی اسلحہ کے کاروبار میں شامل ہیں۔ کرائم برانچ اور پولیس نے مل کر کاروائی کی تو اس کاروبار سے منسلک 5 لوگ گرفتار کیے گئے، جن کے پاس سے 34 غیرقانونی اسلحہ برآمد ہوئے ہیں۔ جن میں دیسی پسٹل اور طمنچے ہیں۔ ان میں چار شخص اسلحہ کی فروخت کرتے تھے جبکہ ایک شخص ان کو یہ ہتھیار بناکر فراہم کرتا تھا۔
انسپکٹر جنرل آف پولیس ویویک شرما نے بتایا کہ اندور کرائم برانچ اور پولیس نے مل کر اس برس کی سب سے بڑی اسلحہ فروخت کرنے والے پانچ لوگوں کو گرفتار کیا ہے۔ ان میں سے چار لوگ فروخت کرنے والے ہیں جبکہ ایک اسلحہ کو بنا کر فراہم کرتا ہے۔ ان کے پاس سے ابھی تک غیرقانونی طور پر 34 اسلحہ برآمد ہوئے ہیں۔ یہ پڑوسی صوبے میں بھی خرید فروخت میں مبتلا رہے ہیں۔ ان کے پکڑے جانے سے اور بھی کی معلومات حاصل ہوگی۔
