کمل ناتھ نے سیدھی ضلع کے چرہٹ صحافیوں سے بات چیت کے دوران لوک سبھا انتخابات میں کانگریس کی کمزور کارکردگی کے بارے میں سوال کیا گیا تھا۔ انہوں نے کہا کہ ہم عوام تک اپنی بات نہیں پہنچا سکے اور بی جے پی جذباتی موضوعات سے عوام کو متاثر کرنے میں کامیاب رہی۔
کمل ناتھ نے کہا کہ ہم اسمبلی میں اکثریت ثابت کرنے کے لیے پھر سے تیار ہیں۔ اس میں ہمیں کوئی مسئلہ نہیں ہے۔ ہماری حکومت پہلے بھی ایوان میں اکثریت ثابت کرچکی ہے۔ بی جے پی ااپنا حوصلہ بڑھانے کی کوششوں کے سبب اس طرح کی باتیں کررہی ہے۔
انہوں نے مزید کہا کہ ریاست کی کانگریس حکومت کوکوئی خطرہ نہیں ہے۔ کل ہی بھوپال میں اراکین اسمبلی کی میٹنگ میں تمام اراکین اسمبلی شامل ہوئے۔
وزیرا علی چرہٹ کے نزدیک ساڈا میں سابق مرکزی وزیر اور آنجہانی کانگریسی رہنما ارجن سنگھ کی اہلیہ سروج سنگھ کے ’تریودشی‘ پروگرام میں شامل ہونے پہنچے تھے۔ ساڈا میں ارجن سنگھ کے بیٹے اور سینیئر کانگریسی رہنما اجے سنگھ سے ملاقات کرنے کئی عوامی نمائندے اور دیگر لوگ بھی پہنچے۔
