'ووٹ ڈالنا شریعت میں گواہی مانا جاتا ہے اور گواہی کو چھپانا جائز نہیں'

ریاست مدھیہ پردیش کے شہر بھوپال میں جمعیت علماء ہند بھوپال کی ووٹر بیداری مہم کے تحت آج بھوپال کے میں جمعیت نے گھوم گھوم کر ووٹر بیداری مہم چلائی۔

مدھیہ پردیش کے دارالحکومت بھوپال میں جمیعت علماء ھند کی جانب سے ووٹر بیداری ریلیاں نکالی گئیں جس کے تحت بھوپال کے چندن نگر میں گھوم کر لوگوں کو ووٹ ڈالنے کی اپیل کی گئی۔

اس موقع پر جمعیت علماء ہند بھوپال کے صدر اسماعیل بیگ نے ای ٹی وی بھارت کو بتایا کہ ووٹر بیداری مہم کئی دنوں سے چلائی جا رہی ہے اور اسی کے تحت آج بھوپال کے چندن نگر میں گھوم گھوم کر اور دیگر طریقوں سے لوگوں کو ووٹ ڈالنے کے لیے بیدار کیا جارہا ہے-

اسماعیل بیگ نے کہا اس بار ووٹنگ چھٹے مرحلے کی ووٹنگ 12 مئی کو ہے یعنی رمضان کے مہینے میں اور اس مبارک مہینے میں مسلم طبقہ کثرت سے نماز پڑھتا ہے روزے رکھتا ہے اور تلاوت کرتا ہے اور عام انتخابات رمضان کے مہینے میں ہی ہیں اس لیے مسلم طبقہ کو جوش و خروش کے ساتھ ووٹ ڈالنا چاہیے۔

انہوں نے مزید کہا کہ' آئین نے ہمیں حق دیا ہے کہ ہم ووٹ کریں اور ووٹ ڈالنا شریعت کے اندر گواہی کے طور پر مانا جاتا ہے اور گواہی کو چھپانا جائز نہیں ہے اس لئے ہمیں زبردست طریقے سے ووٹنگ کرنا چاہیے'۔