بھوپال: شہری ہوا بازی کے مرکزی وزیر جیوترادتیہ سندھیا کورونا سے متاثر ہو گئے ہیں۔ بھارتیہ جنتا پارٹی (بی جے پی) کے مدھیہ پردیش سے راجیہ سبھا کے رکن اسمبلی جیوترادتیہ سندھیا نے رات کو ایک ٹویٹ کے ذریعے یہ معلومات دی۔ انہوں نے لکھا ہے کہ ڈاکٹروں سے مشورے کے بعد ان کا کورونا ٹیسٹ کرایا گیا اور وہ متاثر پائے گئے ۔ انہوں نے ان تمام لوگوں سے اپیل کی ہے جو ان کے ساتھ رابطے میں آئے تھے کہ وہ قریبی صحت مرکز میں جا کر اپنا ٹیسٹ کروائیں۔ Jyotiraditya Scindia Test Positive For Corona
یہ بھی پڑھیں: Nitish Kumar Corona Positive: بہار کے وزیراعلیٰ نتیش کمار کورونا پازیٹیو
سندھیا کل بھوپال پہنچے تھے اور رات کو یہاں وزیر اعلی شیوراج سنگھ چوہان سے بشکریہ ملاقات کی۔ اس کے بعد انہوں نے آج صبح یہاں ریاستی بی جے پی دفتر میں کور گروپ میٹنگ میں بھی شرکت کی۔ لیکن وہ کچھ ہی دیر بعد میٹنگ چھوڑ کر چلے گئے۔ وہ تیز بخار کی وجہ سے میٹنگ چھوڑ کر چلے گئے تھے۔ بتایا گیا ہے کہ اس کے بعد وہ یہاں سے دہلی روانہ ہو گئے۔
یو این آئی
