پولیس ذرائع کے مطابق ضلع کے گوپال پورا کے رہنے والے آکاش سکروار(40) اپنے دوستوں شلیندر بھدوریا (36) اور ہری اوم راٹھور کے ساتھ کل دیر شام گرام بہرارے سے ایک مذہبی پروگرام میں شامل ہونے کے بعد کار سے مرینا لوٹ رہے تھے، تبھی اچانک کار بے قابو ہو کر گرام سکرودا کے نزدیک امباہ برانچ نہر میں گر گئی نہر میں پانی کا بہاؤ تیز تھا،جس سے کار الٹ گئی۔
![کار کے نہر میں گرنے سے دو افراد کی موت](https://etvbharatimages.akamaized.net/etvbharat/prod-images/5903847_mp.jpg)
حادثے کی وجہ سے پانی میں ڈوبنے سے آکاش اور شیلیندر کی موت ہوگئی جبکہ کار کے نہر میں گرنےسے پہلے ایک دیگر دوست ہری اوم راٹھور کار کا دروازہ کھول کر نیچے کود گیا جس سے وہ بھی زخمی ہوگیا۔
کار کے نہر میں گرتے دیکھ کر گاؤں والوں نے رسی کی مدد سے کار کو نہر کے کنارے لگایا اور کار کا دروازہ کھول کر اس میں پھسے لوگوں کو باہر نکالا اور اسپتال لے گئے جہاں انہیں مردہ قرار دے دیا گیا۔
زخمی ہری اوم راٹھور کو مرہم پٹی کے بعد اسپتال سے چھٹی دے دی گئی۔ ہلاک شدگان دونوں افراد پراپرٹی کا کاروبار کرتے تھے۔ پولیس نے ہلاک شدگان کا پوسٹ مارٹم کرانے کے بعد آج ان کی لاشیں گھروالوں کے سپرد کردی ہیں۔ پولیس حادثے کی وجہ کی جانچ کررہی ہے۔