جمعہ کی شب میں نو بجے مہاراشٹر کے ضلع ناسک سے یہ ٹرین چلائی گئی تھی اور آج صبح یہ نان سٹاپ ٹرین اپنے مقام پر پہنچی، اس ٹرین میں 315 مزدور سوار تھے جن کا تعلق ریاست کے مختلف علاقوں سے تھا۔
بھوپال ضلع انتظامیہ نے بتایا کہ گزشتہ شب ناسک سے چلائی گئی خصوصی ٹرین آج صبح بھوپال کے مضافات میں واقع مِسرود ریلوے اسٹیشن پہنچی۔ اسٹیشن پہنچے ان تمام مزدوروں کی اسکریننگ کی جارہی ہے اس کے بعد انھیں ان کے گھر بسوں کے ذریعے روانہ کردیا جائے گا۔
ان مزدوروں کو ان کے گھر پہنچانے کے لیے 15 خصوصی بسوں کا انتظام کیا گیا ہے۔
واضح رہے کہ مزدروں کو ان کے آبائی وطن واپس بھیجنے کے مرکزی حکومت کے فیصلے کے بعد بھوپال آنے والی یہ پہلی ٹرین ہے۔
