پولس ذرائع کے مطابق کل شب ریوا سے سدھی کی طرف جانے والے ایک کنٹینر جیسے ہی جموڑی تھانہ کے تحت پنوائی ہوائی پٹی گیٹ کے نزدیک پہنچا، اچانک سامنے سے ایک موٹر سائیکل سوار کو بچانے کی کوشش میں ڈرائیور نے گاڑی کو دوسری سمت میں موڑ دیا۔
اسی دوران دوسری جانب سے ایک بائیک پر سوار دولوگ سامنے آگئے، جسے کنٹینر نے زوردار ٹکر ماردی، جس کی وجہ سے ان کی موقع پر ہی موت ہوگئی۔ وہیں جس بائیک سوار کو بچانے کی کوشش میں کنٹینر کے ڈرائیور نے گاڑی کو دوسری جانب موڑدیاتھا، وہ بھی حادثہ کے دوران کنٹینر کی زد میں آکر سنگین طور پر زخمی ہوگیا۔
اسپتال لے جاتے وقت اس کی موت ہوگئی۔حادثہ میں جان گنوانے والوں کی شناخت وشنو (25)رہائشی تیندوا، اس کا بہنوئی رام سیا باشندہ نوگئی تھانہ چترنگی ضلع سنگرولی اور دوسری بائیک پر سوار نندلال کوری تیندوا کی شکل میں ہوئی ہے۔
