اندور میں جشن عید میلاد النبیﷺ کا شب سے ہی آغاز

ریاست مدھیہ پردیش کے شہر اندور میں 12 ربیع الاول کو جشن عید میلاد النبیﷺ پرجوش طریقے سے منایا جاتا ہے جس کا آغاز شب سے ہی ہو جاتا ہے۔

مدھیہ پردیش صوبے کے شہر اندور میں ہر برس 12 ربیع الاول کو حضور صلی اللہ تعالی علیہ وسلم کا یوم پیدائش، جشن عید میلادالنبی پورے جوش وخروش کے ساتھ منایا جاتا ہے۔ جشن کا آغاز 12 ربیع الاول کی شب سے ہی شروع ہو جاتا ہے۔

اندور میں 12ویں کی شب سے ہی مسلم علاقوں میں سجاوٹ، نعت خوانی و تقاریر اور چراغاں کا اہتمام کیا جاتا ہے۔ وہیں مساجد اور گھروں کو برقی قمقموں سے سجایا جاتا ہے۔

اندور میں جشن عید میلاد النبیﷺ کا شب سے ہی آغاز

رات بھر چلنے والا جشن صبح فجر کی نماز تک چلتا ہے۔ جہاں لوگ الگ الگ محفلوں میں شرکت کرتے ہیں۔ اس کے بعد جلوس نکالا جاتا ہے، منہ میٹھا کرکے لوگ ایک دوسرے کو مبارکباد پیش کرتے ہیں۔ اس دوران نے کچھ کمیٹیوں کی جانب سے ماسک بھی تقسیم کیے گئے۔

اندور میں جشن عید میلاد النبیﷺ کا شب سے ہی آغاز

حالانکہ ضلع انتظامیہ نے اس سال جلوس نکالنے کی عوامی اجازت تو نہیں دی ہے مگر پھر بھی مسلم علاقوں میں محدود پیمانے پر جلوس نکالنے کا امکان ہے۔