اندور: ملک بھر میں گذشتہ روز 77 واں یوم آزادی کا جشن بڑی دھوم دھام سے منایا گیا ہے مختلف ریاستوں میں پرچم کشائی، گھر گھر ترنگا اور میری مٹی میرا دیش، مہم کے تحت تقریبات منعقد کی گئیں ہیں۔ وہیں ریاست مدھیہ پردیش کے شہر اندور میں بھارتی جنتا یوا مورچہ کی جانب سے ترنگا یاترا نکالی کی گئی تھی۔ جب یاترا مکیری پورہ سے گزر رہی تھی تو نامعلوم شرپسندوں نے پتھربازی کی۔
پولیس کے مطابق یاترا جب درگاہ چوک پہنچی تب بھی پتھربازی کی گئی تو وہی ڈی جے کی گاڑی کو نذر آتش کرنے کی کوشش بھی کی گئی۔ مقامی لوگوں اور کارکنوں نے سوجھ بوجھ سے آگ پر قابو پالیا اس واقعے سے کارکنان سخت ناراض ہے۔ وہ لوگ چھتری پورہ تھانے پہنچے اور پولیس کو تفصیل بتائی اور مطالبہ کیا کہ شرپسندوں کے خلاف سخت کاروائی کی جائے۔ بھارتی جنتا پارٹی یوا مورچے کے مائک یادو نے بتایا کہ وزیراعظم نریندر مودی کے اعلان کے بعد ہم ہر گھر گھر ترنگا مہم کے تحت ترنگا ریلی نکال رہے تھے جب ہم مکیری پورہ سے نکلے تو ہماری ریلی پر پتھر پھینکے گئے، ہم نے تب بھی ریلی جاری رکھی وہیں جب درگاہ چوراہے پہنچے تو وہاں سے بھی پتھر پھینکے گئے اس کے بعد جب ریلی آگے بڑھی تو کچھ دوری طے کرنے کے بعد شر پسندوں نے ڈی جے کی گاڑی کو آگ لگانے کی کوشش کی جس میں کچھ افراد کو معمولی چوٹیں آئیں ہیں۔
