مدھیہ پردیش کے وزیراعلی شیوراج سنگھ چوہان کے سسر اور سادھنا سنگھ چوہان کے والد گھنشیام داس مسانی کا بدھ کی رات دل کا دورہ پڑنے سے انتقال ہوگیا۔
مسانی نے دیر شام بھوپال کے ایک نجی اسپتال میں آخری سانس لی۔ مسانی کے انتقال کی خبر ملتے ہی چوہان کنبہ سمیت رات میں بھوپال واپس آگئے۔ وہ جنوبی بھارت کے دورے پر تھے۔
مسانی 88برس کے تھے۔ ان کے کنبہ میں بیوی سشیلا دیوی، تین بیٹیاں ریکھا، کلپنا سنگھ اور سادھنا سنگھ چوہان اور دو بیٹے ارون سنگھ مسانی اور سنجے سنگھ مسانی ہیں۔
گھنشیام داس مسانی کی آخری رسومات جمعرات کی دوپہر کو مہاراشٹر کے گوندیا میں ادا کی جائیں گی۔
