پولیس ذرائع کے مطابق ہلاک شدگان میں تین خواتین اور ایک نوجوان شامل ہے۔ہلاک شدگان کی شناخت کنوبائی ،بھوری بائی،لیلا بائی اور رام لال کے طورپر ہوئی ہے۔
ذرائع نے کہا کہ ضلع ہیڈکوارٹر سے 40 کلومیٹر دور موہن بڑودیا ڈولپمنٹ بلاک کے تحت آنے والے تیجناکھیڑی گاؤں میں ایک کنویں کی تعمیر کا کام چل رہاتھا۔کل اچانک مٹی دھسنے کی وجہ سے چاروں ملبے میں دب گئے۔دیر شام تک لاش نکالنے کی کوشش کی گئی،لیکن ایسا نہیں ہوسکا۔آج صبح چاروں کی لاشیں ملبے سے نکالی گئیں۔
مدھیہ پردیش کے وزیراعلی شیوراج سنگھ چوہان نے اس حادثے پر دکھ کا اظہارکرتے ہوئے ہلاک شدگان کے تئیں خراج عقیدت پیش کیاہے۔
